Akademıa týraly

2009 jyldyń 3 qazanynda Ázerbaijan Respýblikasynyń Nahchyvan qalasynda ótken Túrki̇ti̇ldes memleketter basshylarynyń IX sammiti̇nde Qazaqstan Respýblikasynyń Prezidenti̇ Nursultan Nazarbaev túrki̇ dúniesi̇n zertteiti̇n halyqaralyq ǵylymi ortalyq qurý týraly usynys jasady.

2010 jyldyń 25 mamyry kúni̇ Qazaqstan Respýblikasynyń elordasy – Astana qalasyndaǵy Beibi̇tshi̇li̇k jáne keli̇si̇m saraiynda Túrki̇ akademıasy ashyldy. Bi̇regei ǵylymi-zertteý ortalyqtyń tusaýkeseri̇ne QR Prezidenti̇ Nursultan Nazarbaev pen Túrkıa Prezidenti̇ Abdýllah Gúl sonymen qatar, Qazaqstan, Túrkıa, AQSh, Resei (Tatarstan, Bashqurtstan, Chývash, IAkýtıa), Ózbekstan, Qyrǵyzstan, Ýkraina memleketteri̇ni̇ń kórnekti̇ túrkolog ǵalymdary qatysty.

Qyrǵyz Respýblikasynyń astanasy Bi̇shkekte 2012 jyldyń 22-23 tamyzy kúnderi̇ ótken Túrki̇ Keńesi̇ İİ sammiti̇nde Qazaqstan Respýblikasynyń Prezidenti̇ Nursultan Nazarbaev, Túrkıa Respýblikasynyń Prezidenti̇ Abdýllah Gúl, Qyrǵyz Respýblikasynyń Prezidenti̇ Almazbek Atambaev pen Ázerbaijan Respýblikasynyń Premer-ministri̇ Artýr Rasizade Túrki̇ akademıasyna halyqaralyq mártebe berý jóni̇ndegi̇ keli̇si̇mge qol qoidy. Keli̇si̇mdi̇ qurýshy elder ratifikacıalaǵannan keii̇n Qazaqstanda 2010 jyly qurylyp, jumys i̇step turǵan Túrki̇ akademıasy 2014 jyldyń 28 tamyzynan bastap halyqaralyq mártebege ie boldy. Osylaisha túrki̇ti̇ldes tórt eldi̇ń (Ázerbaijan Respýblikasy, Qazaqstan Respýblikasy, Qyrǵyz Respýblikasy jáne Túrkıa Respýblikasy) eri̇kti̇ túrde qurǵan Astanada ornalasqan bi̇regei halyqaralyq ǵylymi uiymy — Túrki̇ Akademıasy (ITA – International Turkic Academy) óz jumysyn bastady.

Maqsatymyz: Kóne dáýi̇rden búgi̇nge deii̇ngi̇ túrki̇ álemi̇ tarihyn, ti̇li̇ men ádebieti̇n jáne mádenieti̇n zerttep túrki̇ memleketteri̇ni̇ń álemdi̇k órkeniettegi̇ orny men erekshe úlesi̇n tóltýma derekter negi̇zi̇nde asha otyryp jalpy túrki̇ álemi̇ne qatysty ǵylymi zertteýlerdi̇ úilesti̇reti̇n bi̇regei ortalyqqa ainalý.

Missıamyz: Túrki̇ halyqtarynyń ǵylymi qaýymdastyǵynyń ǵylym men bi̇li̇mi̇ni̇ń damýy, sondai-aq basqa da túrki̇ ti̇ldes memleketter qairatkerleri̇ni̇ń bastamalaryna jaǵdai jasaý jáne olardyń basyn bi̇r arnaǵa toǵystyrý.

Close