Enciklopedıa

Túrki̇ halyqtarynyń ulttyq oiyndary: kókpar

Orta Azıa halyq mádenieti̇nde, ási̇rese túrki̇ qaýymdary mádenieti̇nde at ústi̇nde oinalatyn ǵuryptyq sport túri̇. Oiyn sharty boiynsha soiylǵan serkeni̇ń (laqtyń) teri̇si̇ at ústi̇ne alynyp, eki̇ tarap talasyp tartyp, jeńi̇ske jetkenderi̇ belgi̇li̇ bi̇r mejelengen jerge (nysanaǵa) aparady. Alańnyń ortasyna ti̇gi̇leti̇n bairaqtyń ainalasynda aldyn-ala belgi̇lengen tárti̇ppen teri̇ laqtyrylyp, oǵan talas bastalady. Kókpardy tamashalaǵanda oiynshylardyń at ústi̇nde shiraq ta batyl qimyldar jasap, bi̇r-bi̇ri̇ne des bermei namysqa qyzyp, at qulaǵynda oinaityn batyrǵa tán ójet áreketteri̇ ádemi̇ áserge bóleidi̇. Astyndaǵy atyna ie bolǵan taqymy myqty jáne eń kúshi̇ myǵym, kózsi̇z batyr, epti̇ shabandoz sharshy alańda eń úzdi̇k bolady.

Orta Azıa túrki̇leri̇nde kókpar oiynynyń «kókbóri̇» sózi̇men bailanystylyǵy týraly kózqaras taraǵan. Kókpardyń sipaty kókbóri̇ler toptasa oinap, ań aýlaǵan, bi̇r-bi̇ri̇men alysyp-julysqan qimylyna uqsaidy jáne bul oiyn qasqyrdyń osyndai jankeshti̇li̇gi̇ne eli̇kteýden paida bolǵan deidi̇.

Close