JańalyqtarFotogalereia

Mustafa Kemal Atatúri̇k bastaǵan ult-azattyq kúresti̇ń 100 jyldyǵyna orai arnaiy i̇s-shara ótti̇

Atalǵan i̇s-shara 2019 jyldyń 17 mamyr kúni̇ Nur-Sultan qalasynda  Qazaqstan Respýblikasynyń Ulttyq akademıalyq ki̇taphanasynda uiymdastyryldy. Jiyn barysynda Túrkıadaǵy Mustafa Kemal Atatúri̇k bastaǵan ult-azattyq kúresti̇ń  100 jyldyǵyna orai «Tarihtan taǵylym: Túri̇k ult-azattyq kúresi̇ jáne Atatúri̇k» atty konferencıa, arnaiy kórme jáne Atatúri̇kti̇ń «Joldaý» degen ki̇tabynyń qazaq ti̇li̇nde jaryq kórgen nusqasynyń tusaýkeser rási̇mi̇ ótti̇.

Atalǵan sharaǵa Qazaqstan Respýblikasyndaǵy Ázerbaijan jáne Túrkıa  Respýblikalarynyń elshi̇leri̇, QR Parlamenti̇ Senaty men Máji̇li̇si̇ni̇ń depýtattary, kórnekti̇ qoǵam qairatkerleri̇, belgi̇li̇ ǵalymdar jáne etnomádeni ortalyqtardyń jetekshi̇leri̇ qatysty.

«Tarihtan taǵylym: Túri̇k ult-azattyq qozǵalysy jáne Atatúri̇k» atty konferencıa barysynda sóz alǵan Halyqaralyq Túrki̇ Akademıasynyń prezidenti̇ Darhan Qydyráli̇:  «Ózderi̇ńi̇zge máli̇m, osydan týra 100 jyl buryn Túrki̇ dúniesi̇ni̇ń erjúrek uly – Atatúri̇k Túrkıany azat etýge atqa qonǵan bolatyn. Biyl bi̇z bul jyldy Atatúri̇k jyly dep jarıalaǵan bolatynbyz. Osy jyldyń aiasynda bi̇z kóptegen sharalar uiymdastyryp jatyrmyz. Solardyń bi̇ri̇ Atatúri̇kti̇ń «Joldaý» atty ki̇tabyn jaryqqa shyǵaryp otyrmyz», – dedi̇.

Óz kezegi̇nde Qazaqstandaǵy  Túrkıanyń tótenshe jáne óki̇letti̇ elshi̇si̇ Nevzat Ýianyk Atatúri̇kti̇ń tarihtaǵy alatyn ornyna toqtala kele:  «Ult azattyq kúresi̇mi̇z – Otanymyzǵa basqynshylyq jasap, halqymyzǵa tutqyn shynjyryn taǵýdy kózdegenderge qarsy beri̇lgen dańqty toitarys boldy.  Táýelsi̇z Qazaqstannyń Tuńǵysh Prezidenti̇ – Elbasy Nursultan Nazarbaev – tek jalpy túrki̇ tarihy ǵana emes, sondai-aq Ult-azattyq kúresi̇mi̇zdi̇ń dáýi̇ri̇ men Ǵazi Mustafa Kemaldyń kózqarastary men qaǵiadalaryn , jeńi̇steri̇ men jemi̇steri̇n jaqynnan saralai bi̇lgen qurmetti̇ memleket qairatkeri̇. Atatúri̇k saiabaǵynda Atatúri̇k eskertki̇shi̇n ashýy – Nazarbaevtyń jáne baýyrlas Qazaqstan halqynyń Túrkıa men Atatúri̇kke degen súii̇spenshi̇li̇gi̇ni̇ń bi̇r dáleli̇» – degen oi aitty.

Konferencıadan keii̇n Halyqaralyq Túrki̇ akademıasy qazaq ti̇li̇nde basyp shyǵarǵan Mustafa Kemal Atatúri̇kti̇ń «Joldaý» atty eńbegi̇ni̇ń tusaýkeseri̇ ótti̇.

Álemge áigi̇li̇ asa kórnekti̇ memleket qairatkeri̇, Túrkıa memleketi̇n

qurýshy, kóshbasshy tulǵa Mustafa Kemal Atatúri̇k «Joldaý» atty

eńbegi̇n  óz  qolymen  jazyp  júielep,  1927  jyly  15-20  qazan  kúnderi̇

Ankarada  Uly  Ulttyq  máji̇li̇ste  óz  aýzymen  36,5  saǵat  boiy  oqyǵan

bolatyn. Túgel túrki̇ dúniesi̇ne taǵylymy men tarihi mańyzy zor bul

derekti̇ baiannyń jas urpaqtyń otanshyl, memleketshi̇l, parasatty tulǵa

bolyp  qalyptasýyna  bereti̇n  úlesi̇  zor. Osy eńbek arqyly baýyrlas

Túrkıa  memleketi̇ni̇ń  azattyq  jolyndaǵy  arpalysy  men  turaqty  damýyna negi̇z bolǵan qaǵidattarmen oqyrman qaýym jaqynnan tanysýǵa múmki̇ndi̇k alyp otyr. Ki̇tap túri̇k tarihyn bi̇lgi̇si̇ keleti̇n jalpy oqyrmanǵa, jas ǵalymdar men i̇zdenýshi̇lerge arnalady.

Mustafa Kemal Atatúri̇kti̇ń «Joldaý» degen shyǵarmasy Osmanly memleketi̇ni̇ń ydyraýy, Atatúri̇kti̇ń basshylyǵymen júrgi̇zi̇lgen túri̇k halqynyń ult-azattyq kúresi̇ jáne Túrkıa Respýblikasynyń jarıalanyp, qalyptasýyna qatysty máli̇metterge asa bai eńbek. Ol sondai-aq Atatúri̇kti̇ń táýelsi̇zdi̇k jolyndaǵy kúres filosofıasynan da mol maǵlumat beredi̇.   «Joldaý» alǵash Túrkıada 1927 jyly bi̇reýi̇ negi̇zgi̇ máti̇n, eki̇nshi̇si̇ qujattar reti̇nde arab ári̇pteri̇men  eki̇ ki̇tap bolyp basyp shyǵarylǵan bolatyn.


İs-shara barysynda uiymdastyrylǵan «Atatúri̇k» kórmesi̇nde Túri̇k Respýblikasynyń
qalyptasý tarihyn baiandaityn 40 astam foto qoiyldy.

Close