Jańalyqtar

Taldy – Qorǵan qalasynda «Uly dalanyń máńgi̇li̇k mirasy – Manas» qazaq-qyrǵyz zıalylarynyń halyqaralyq III forýmy ótti̇

 

Forým qatysýshylary aldymen Almaty qalasyndaǵy Muhtar Áýezovtyń úi-mýzeii̇ne gúl shoqtaryn qoiyp, Manastanýǵa airyqsha úles qosqan tulǵanyń rýhyna taǵzym etti̇. Budan keii̇n atalǵan i̇s-shara Taldy-Qorǵan qalasynda jalǵasty.

Forým Halyqaralyq Túrki̇ Akademıasynyń prezidenti̇ Darhan Qydyráli̇,  Almaty oblysynyń áki̇mi̇ Amandyq Batalov, Qyrǵyz Respýblikasynyń Qazaqstan Respýblikasyndaǵy Tótenshe jáne Óki̇letti̇ Elshi̇si̇ Jeenbek Kýlýbaev, Qazaqstan Jazýshylar Odaǵynyń tóraǵasy Ulyqbek Esdáýlet, Qyrǵyz Respýblikasy Prezidenti̇ni̇ń keńesshi̇si̇ Sýltan Raev, tarih ǵylymdarynyń doktory, professor, QR UǴA akademigi̇ Mámbet Qoigeldievti̇ń qatysýymen ótti̇.

Biylǵy jiyndy Halyqaralyq Túrki̇ akademıasy men Almaty oblysynyń áki̇mdi̇gi̇ bi̇ri̇gi̇p uiymdastyrdy.

Forým aiasynda arnaiy simpoziým óti̇p, qazaq-qyrǵyz ǵalymdarynyń qazi̇rgi̇ Manastaný boiynsha ǵylymi baiandamalary tyńdaldy. Olardyń i̇shi̇nde filologıa ǵylymdarynyń kandidaty, QR Jazýshylar odaǵynyń múshesi̇ Jarylqap Beisenbaiulynyń “Manas” jáne Shoqan”, filologıa ǵylymdarynyń doktory,   Y.Abdrahmanov atyndaǵy “Dúniejúzi̇li̇k folklor jáne mádeniet” ǵylymi-zertteý ortalyǵynyń direktory Jyldyz Orozobekovanyń  “Manasshylyq ónerdi̇ń salty, kádesi̇” degen taqyryptaǵy baiandamalardy atap ótýge bolady. Ǵalymdar “Manas” jyrynyń baýyrlas qazaq jáne qyrǵyz halyqtarymen qosa, búki̇l túrki̇tektes halyqtardyń basyn bi̇ri̇kti̇rýdegi̇ mańyzyna toqtaldy.

Simpoziýmnan keii̇n forým delegattary Jeti̇sý jeri̇ndegi̇ Shoqan Ýálihanovtyń eskertki̇shi̇ne arnaiy keli̇p, gúl shoqtaryn qoiyp, rýhyna taǵzym etti̇. Eskertki̇sh basynda jinalǵan qaýym Shoqan Ýálihanovtyń “Manas” eposyn zerttep-zerdeleýdegi̇ airyqsha eńbegi̇ men osy i̇ske qosqan úlesi̇ne erekshe toqtaldy.

«Uly dalanyń máńgi̇li̇k mirasy – Manas» qazaq-qyrǵyz zıalylarynyń halyqaralyq III forýmy budan keii̇n Kerbulaq aýdanyndaǵy Saryózek jailaýynda “Manas” festivali̇men jalǵasty.

Festival barysynda Baianǵali Áli̇mjanov, Nazarkýl Seidirakmanov, Ryspai Isakov, Zamir Baialiev, Kamil Mamadaliev, Tilek Asanov syndy tanymal qyrǵyz-qazaq manasshylary jyr jyrlap, óz ónerleri̇n pash etti̇.

Festivalǵa qatysqan manasshylarǵa Akademıanyń “Túrki̇ álemi̇ni̇ń manasshysy” degen arnaiy kýáli̇gi̇ tabys eti̇li̇p, marapattaldy. “Manas” festivali̇ biylǵy qazaq-qyrǵyz zıalylarynyń halyqaralyq III forýmyn qorytyndylady.

 

 

Close