Jańalyqtar

Halyqaralyq Túrki̇ Akademıasynyń prezidenti̇ Darhan Qydyráli̇ Ázerbaijan jazýshylar odaǵynyń tóraǵasy Anar Rzaevpen kezdesti̇

Darhan Qydyráli̇ kezdesý barysynda 2020 jyly Túrki̇ Akademıasynyń Ázerbaijan jeri̇nde úsh jylǵa josparlanǵan keshendi̇ zertteý jumysyn bastaitynyn  jetki̇zdi̇. Halyqaralyq  joba arheologıa, toponimika jáne etnografıa sıaqty salalardy qamtymaq. Sondai-aq Akademıa jetekshi̇si̇ Ázerbaijan men Kavkaz óńi̇ri̇ndegi̇ túrki̇li̇k mádeniet pen órkenietti̇ zertteý i̇si̇ne erekshe den qoiý kerekti̇gi̇n aita kele Akademıa daiyndaǵan  «Ortaq Túrki̇ tarihy» oqýlyǵynyń týys elderde orta mektep oqý baǵdarlamalaryna eni̇p, sonyń   negi̇zi̇nde balalarǵa dári̇s beri̇le bastaǵanyn jetki̇zi̇p, ortaq ádebiet pen geografıa pánderi̇ boiynsha da jumystardyń jalǵasyp jatqanyna toqtaldy.

Óz kezegi̇nde Ázerbaijan jazýshylar odaǵynyń tóraǵasy Túrki̇ akademıasymen ári̇ptesti̇kke erekshe mán bereti̇ni̇n atap óti̇p, halyqaralyq uiymnyń jumysyn joǵary baǵalaitynyn máli̇mdedi̇. Ol sondai-aq týys halyqtardyń bi̇rli̇gi̇ jolynda ádebi bailanystardy nyǵaitý, aqyn-jazýshylardyń ári̇ptesti̇gi̇ men qarym-qatynastaryn kúsheite túsý qajetti̇gi̇n aitty. Mártebeli̇ meiman baýyrlas elderdi̇ń ómi̇ri̇nde zıaly qaýymnyń   asa jaýapty mi̇ndet atqaratynyna da toqtaldy.  Anar Rzaev Qazaqstannyń latyn áli̇pbii̇ne ótý i̇si̇nen úlken úmi̇t kúteti̇ni̇n jetki̇zi̇p, bul bastamanyń týys halyqtardyń jaqyndasa túsýge yqpal eteri̇ne seni̇m bi̇ldi̇rdi̇.

Kezdesý qorytyndysy boiynsha Túrki̇ Akademıasy men Ázerbaijan jazýshylar odaǵy  arasyndaǵy ári̇ptesti̇kti̇ nyǵaitý jóni̇nde ýaǵdalastyqqa qol jetki̇zi̇ldi̇. Sondai-aq Akademıa prezidenti̇ Darhan Qydyráli̇ Anar Rzaevqa akademıa shyǵarǵan ki̇taptardy syiǵa tartty.

Close