Jańalyqtar

Túrki̇ akademıasynyń basshysy tanymal tatar ǵalymy, túrki̇ ti̇lderi̇ni̇ń mamany Ǵumar Sattarovtyń dúnieden ozýyna bailanysty kóńi̇l aitty.

Toqsan jasqa taiaǵan shaǵynda belgi̇li̇ tatar ǵalymy, tatar jáne túrki̇ ti̇l bi̇li̇mi̇ salasyndaǵy kórnekti̇ maman, Qazan ýniversiteti̇ni̇ń eńbek si̇ńi̇rgen professory, filologıa ǵylymdarynyń doktory Sattarov Ǵumar Faizuly qaitys boldy.

Osyǵan orai Halyqaralyq Túrki̇ akademıasynyń prezidenti̇ Darhan Qydyráli̇ marqumnyń týystary men jaqyndarynyń qaiǵysyna ortaqtasyp, kóńi̇l aitty.

«Óz atymnan jáne Halyqaralyq Túrki̇ akademıasynyń ujymy atynan kórnekti̇ tatar ǵalymy Ǵumar Sattarovtyń otbasy men dostaryna, sháki̇rtteri̇ men ári̇ptesteri̇ne kóńi̇l aitamyn.  Ǵumar Faizulynyń qaitys bolýy Tatarstan Respýblikasy men búki̇l túrki̇ álemi̇ úshi̇n orny tolmas aýyr qaza» – dedi̇ Akademıa basshysy.

Aita ketý kerek, Ǵumar Sattarov tatar jáne túrki̇ ti̇l bi̇li̇mi̇ salasyndaǵy eleýli̇ eńbekteri̇ arqyly keń tanylǵan ǵalym. Atap aitqanda, ol tatar ti̇li̇ndegi̇ onomastika salasynyń negi̇zi̇n qalap, ony damytý jolynda akademıalyq deńgeide 25 monografıa men 560-tan astam ǵylymi maqala  jazyp qaldyrdy.

Close