Жаңалықтар

Қазақстан Республикасының Президенті Халықаралық Түркі академиясының басшысын қабылдады

Қазақстан Республикасының Президенті Қасым-Жомарт Тоқаев Халықаралық Түркі академиясының басшысы Дархан Қыдырәліні қабылдады. Бұл туралы Қазақстан Республикасы Президентінің баспасөз қызметі хабарлады.

Қасым-Жомарт Тоқаевқа “Егемен Қазақстан” газетінің ағымдағы қызметі туралы егжей-тегжейлі баяндалды.

Дархан Қыдырәлі Президентке коронавирус пандемиясы кезінде қолға алынған жаңа жобалар туралы айтты.

Сондай-ақ Мемлекет басшысына Халықаралық Түркі Академиясының биыл атқарылған жұмыстары туралы да мәлімет берілді. Хәкім Абайдың 175 жылдық мерейтойы аясында ұлы ақынның аударылып, жарық көрген шығармалары, әл-Фарабидің 1150 жылдығы аясында өткізілген халықаралық ірі жиындар мен конференциялар, Алтын Орданың 750 жылдығы аясында жарық көрген жаңа кітаптар жөнінде толық ақпарат берілді.

Кездесу соңында Мемлекет басшысы «Егемен Қазақстан» газетін заманауи талаптарға сай шығарып, Халықаралық Түркі Академиясының жұмысын одан әрі ілгерілете беруді тапсырды.

Close