Жаңалықтар

Анкарада Мимар Синан байқауының үздік сәулет жобалары анықталды

2122

Түркия астанасы Анкара қаласында 4 жылда бір рет өткізілетін Мимар Синан атындағы халықаралық жобалар байқауының ақтық сынына өткен жобалардың таныстырылымы өтті.

Sinan-1.jpg

Транс-құрлықтық ірі жобалар, инженерлік, сəулетшілік, қала құрылысы, дизайн жəне идеялар номинациялары бойынша өткен бұл байқауды Түркі әлемі инженерлері мен сәулетшілер одағы Түркі әлемі қала құрылысы құрылтайымен бірлесіп ұйымдастырады.

Түркі әлеміне қызмет атқаратын ұйымдар өкілдері қатысқан салтанатты шараға ұйымдастырушылардың шақыртуымен Түркі академиясы халықаралық ұйымының (TWESCO) атынан тұрақты хатшы Асхат Кесікбаев қатысты.

Sinan-2.jpg

Жиын барысында Түркияның көлік саласының дамуына үлес қосқан Түркия Республикасы Мемлекеттік темір жолдары ұйымының басшысы Иса Апайдын «Жібек жолы мәдениеттері жоғары қызмет медалімен» марапатталды.  

Айта кету керек, аталған байқауда топ жарған жеңімпаздар 16-18 наурызда, жыл сайын өткізілетін Түркі әлемі қала құрылысы құрылтайлары аясында марапатталатын болады. «Энергетика және көлік саласында транс-құрлықтық алып жобалар» тақырыбында жоспарланған биылғы құрылтай Түркия премьер-министрі Бинали Йылдырым төрағалық етуімен Әзербайжан астанасы Бакуде өтеді. Салтанатты жиында, сондай-ақ, 2016 - Гейдар Әлиев жылы қорытындыланады. 


Ай:
Жыл:

Тізімге қайта оралу

Оқырмандарға

Биография /

Барлығы